الأفوكا بين العلم و الثقافة الشعبية

الافوكا كيما كيسميها الشعب المغربي او الافوكادو الاسم تعها بالعربية، هد الفاكهة لي كتحمل الاسم العلمي Persea americana ، الفاكهة الغريبة القريبة من قلوب المغاربة،خاصة فايام رمضان او المناسبات الفردية الخاصة ، هد الفاكهة لي كيشبه الشكل الخارجي تاعها الخصية ، او لي الموطن الاصلي تاعها امريكا الاستوائية بحال المكسيك لي تبتات الدراسات الجيولوجيا انها تستعملات فيها قبل 10 الاف سنة.

لطالما سمعنا أن هد الفاكهة المحبوبة او لي كدخل فالخلطة مع الحليب اوكتعطينا داك المشروب الغريب لي كيدهش السائح لي جا ايزور البلاد او كيخله استنتج فالخر أن المغرب فعلا بلاد غريب وعجيب.
منساوش ان هد الفاكهة تكتبات عليها قصائد او تغنات عليها اغنيات بحال " المليحة في الخمار الاسود"
لايختلف اثنان أن الافوكا اندها منافع صحية كثيرة، منها ما هو علمي ومنها ما هو شعبي :
نبداوا بالافوكا فالثقافة الشعبية ؛فالمجتمع تاعنا هد الفاكهة مرتبطة بالجنس وتقوية القدرة الجنسية عند الرجل، لدرجة فاش كتكون الحركة دايرة كدوز تاخد شي كاس فالمحلبة كيلقاك شي صحبك كتشربها، كيكومونتي عليك داك التعليق العجيب " هيا الاخ غيطقب الظالة هد الليلة " وكانك فعلا غتكمل الكاس او يولي اندك مثقاب كهربائي مصنوع من نسيج خلوي اسفنجي، اولا " غتفزكهوم عوتاني " ......
اما مالمنطور العلمي فهاد "المالحة في الخمار الاسود" الغنية بالدهون الاحادية لي كتنفع الصحة حيت مفيهاش الكوليسترول بالعكس العلم او الدراسات كتقول انها كتخفط نسبة هد الاخير فالجسم تعنا ، اه كتحتوي كدالك على نسبة كبيرة من الالياف كتر من نسبة لي كينة ف 4 تفحات ، او كدالك غنية بالمواد المظادة للاكسدة او هد المواد كتحارب الشيخوخة المبكرة داك شي علاش كتلقا الوليدة ديرة شي ماسك تاع الافوكا او متكية فالصالون باقة بغة تكون صغيرة او زوينة وخا هي اصلن جمال على جمال الغريب أن العدوة جات من عند البنت اما الوليدة مسكينة غير داروا بيها الناس سبة ، او نزيدكم المليحة بفعل المكونات تاعها كتحارب السرطان خاصة سرطان البروستات الاخوة ماشي زيادة عدد الاحصنة ههه.
هد مولات الخمار غنية بالفيتامينات بحال B , E , كتسهل الهضم ، كتنشط الكبد ، او كتسرح القوادس تاع الامعاء او كتسهل مرور السوائل او الغازات ، او لي كيسخن عليه راسوا او كيتعصب اشرب شي كاس حيت كتهدن الاعصاب، كترطب الشعر او كتزيد فالطول تاعوا......
اللائحة طولية او المنافع كتيرة مي غنشير لبعض المخاطر خاصة اند ناس لي اندهوم الحساسية تاعها راها ممكن تقتل المصاب الى كيستعملها.
الحصول منساوش الناس المعروضين القهوة تكايسوا شوية على خوتكم خدوا قهوة كحلة ماشي الافوكا اڤيك فخوي سيك avocate avec fruits secs ، خاصة الاخت حواء .